कराड तालुका ॲमॅच्युअर ॲथलेटिक्स असोसिएशन कराड

 १) तालुका स्तरावर संघटनेच्या माध्यमातून क्रीडा स्पर्धांचे आयोजन सातारा जिल्हा  ॲमॅच्युअर ॲथलेटिक्स असोसिएशन यांचे सहकार्याने व कराड तालुका ॲमॅच्युअर ॲथलेटिक्स असोसिएशन यांच्या पुढाकाराने तालुकास्तरीय मैदानी क्रीडा स्पर्धा तसेच जिल्हास्तरीय सब ज्युनिअर स्पर्धांचे आयोजन करून ६ ते १४ वर्ष वयोगटातील मुलामुलींसाठी कराड येथे तालुकास्तरीय व जिल्हास्तरीय मैदानी स्पर्धांचे आयोजन करून खेळाडूंसाठी  व खेळाच्या विकासासाठी पोषक वातावरण तयार करण्याचा प्रयत्न संघटनेच्या माध्यमातून होत आहे.या अगोदर या संघटनेच्या माध्यमातून मॅरेथॉन स्पर्धेचे  आयोजन सुद्धा करण्यात आले होते.

 २) क्रीडा पत्रकारिता परिसंवाद आयोजित करणे कराड तालुक्यातील पाचवड या ठिकाणी क्रीडा पत्रकारिता परिसंवादाचा आयोजन प्रमुख वक्ते हिंदकेसरी मा. दिनानाथ सिंह, प्रिन्सिपल करस्पॉन्डन्स महाराष्ट्र टाइम्स चे आशिष जाधव यांच्या उपस्थितीत सदर कार्यक्रमाचे आयोजन करून क्रीडा क्षेत्रातील विविध राष्ट्रीय,आंतरराष्ट्रीय खेळाडू क्रीडा मार्गदर्शक यांच्या उपस्थितीमध्ये करून क्रीडा क्षेत्रातील विविध घडामोडी व त्याला मिळणारे बातम्यांचे कव्हरेज म्हणजेच प्रसिद्धी यासंबंधी चर्चसत्राचे  करून क्रीडा क्षेत्रातील पत्रकारितेचे योगदान याद्वारे स्पष्ट करण्यात आले. यावेळी सातारा जिल्ह्यातील आंतरराष्ट्रीय राज्य राष्ट्रीय खेळाडूंचा सत्कार खेळाडू व त्यांचे प्रशिक्षक यांचा सत्कार  करण्यात आला  या कार्यक्रमानंतर सलग दुसऱ्या क्रीडावर्षात कराड येथे दैत्य निवारणी सभागृह  येथे आंतरराष्ट्रीय नेमबाज तेजस्विनी सावंत,राष्ट्रीय खेळाडू माऊंट एव्हरेस्ट शिखर सर करणारी गिर्यारोहक प्रियांका मोहिते,महाराष्ट्र राज्य ॲमॅच्युअर ॲथलेटिक्स असोसिएशन पदाधिकारी मा.वसंतराव भोसले यांचे प्रमुख उपस्थितीत  व सातारा जिल्हा असोसिएशनचे अध्यक्ष, उपाध्यक्ष व सर्व संघटना पदाधिकाऱ्यांच्या पुढाकाराने सातारा जिल्ह्यातील राष्ट्रीय,आंतरराष्ट्रीय खेळाडूंचा सत्कार समारंभ कराड या ठिकाणी संपन्न झाला.या कार्यक्रमाच्या माध्यमातून खेळाडूंच्या क्रीडा कामगिरीचा गौरव म्हणून प्रमुख मान्यवरांच्या उपस्थितीमध्ये त्यांना सन्मानित करण्यात आले.

 ३) संघटनेच्या माध्यमातून १ जुलै रन फॉर फार्मर्स  स्पर्धेचे आयोजना रन फॉर फार्मर्स ही स्वतंत्र समिती स्थापन करून १ जुलै   कृषी दिनाचे औचित्य साधून रन फॉर फार्मर्स व सेव्ह द फार्मर्स असे ब्रीदवाक्य घेऊन सातारा,सांगली,कोल्हापूर  जिल्ह्यातील खेळाडू व तसेच शेतकरी यांच्या समवेत रन फार फार्मर्स स्पर्धेचे आयोजन करण्यात आले होते. यावेळी फन रन अंतर्गत  डॉक्टर्स, वकील, विविध क्षेत्रातील मान्यवर यांनी यामध्ये सहभाग घेऊन  शेतकरी वर्गाच्या विविध प्रश्नांकडे शासनाचे लक्षवेधीत शेतकरी वर्गाला पाठिंबा दिला.  या स्पर्धेद्वारे शेतकऱ्यांच्या प्रश्नाला शासनाच्या शासन दरबारी न्याय मिळावा व क्रीडा स्पर्धेच्या माध्यमातून शेतकरी ते खेळाडू व विविध क्षेत्रातील मान्यवर यांना व्यासपीठ मिळावे हेतूने अशा स्पर्धेचे आयोजन करण्यात आले. याला शेतकरी वर्गातून मोठ्या प्रमाणात प्रतिसाद मिळाला.