समाज प्रबोधन सार्वजनिक वाचनालय, मलकापूर

Our Story

समाज मनाला प्रगल्भ करण्याची क्षमता असणारा ज्ञानाचा चिरंतन स्रोत म्हणजे ग्रंथालये। सार्वजनिक ग्रंथालये हे समाज प्रबोधनाचे एक महत्त्वाचे साधन असून सृजाण व सुसंस्कृत नागरिक घडणीमध्ये व त्याद्वारे अंतिमतः राष्ट्र घडणीच्या कामात त्यांचे महत्व अनन्य साधारण आहे. राज्यातील ग्रामीण आणि शहरी विभागातील जनतेला सामाजिक, शैक्षणिक व सर्व क्षेत्रातील विविध बाबींची आणि विविध विषयांची परिपूर्ण माहिती मिळावी यासाठी महाराष्ट्र सार्वजनिक ग्रंथालये अधिनियम, 1967 अस्तित्वात आलाआहे.

समाज प्रबोधन सार्वजनिक वाचनालय मलकापूर ता. कराड जि. सातारा हे वाचनालय "वाचाल तर वाचाल" हे ब्रीद वाक्य घेऊन सन १२/०८/१९९२ रोजी स्थापन झाले . मा. श्री. अशोकराव किसन थोरात यांच्या कल्पक नेतृत्वाने आणि मलकापुरातील ग्रामस्थांच्या सहकार्याने हे वाचनालय सुरु झाले. सुरुवातीला अट्ठेचाळीस सभासदांच्या सहकार्याने हे वाचनालय सुरु झाले. आज नगरपरिषद इमारतीमध्ये दिमाखात उभे असणाऱ्या या ग्रंथमंदिरात वाचकांची पाऊले आपोआप वाचनालयाकडे वळू लागली.

मलकापूरातील नागरिक हे सुशिक्षित व वैचारिक जाण असणारे आहेत त्यामुळे त्यानी नेहमीच वाचनालयाला मदत केली. आज मलकापूर परिसरातील दररोज शंभर ते दिडशे ग्रामस्थ, विद्यार्थी येथे ग्रंथालयातील पेपर, मासिके, पुस्तके वाचण्यासाठी येऊ लागली यामुळे ग्रंथालयाचा वाचक वर्ग वाढू लागला.

प्रथम तुटपुंज्या "ड " वर्गातील अनूदानावर अवलंबून असणारे ग्रंथालय आज "ब" वर्गात गेले आहे. जास्तीत जास्त सोयी सुविधा येथे विनामूल्य उपलब्ध करून शासनाचा मुक्तद्वार ग्रंथालय हा अजेंडा पूर्ण करण्याचा आमचा प्रयत्न सुरु आहे. आज ग्रंथांच्या किंमती भरमसाठ वाढलेल्या असताना कमीत कमी वर्गणी घेऊन  लोकांना मोठ्या किंमतीची दर्जेदार पुस्तके घरी वाचायला दिली जातात. गरीब , होतकरु मुलांना विनामूल्य सभासदत्व दिले जाते.

शाळेतील विद्यार्थी ग्रंथालयाकडे आकर्षीत व्हावेत म्हणून श्री मळाईदेवी शिक्षण संस्थेच्या आठ शैक्षणिक शाखा आणि श्री मळाईदेवी नागरी सह. पतसंस्था ग्रंथालयाने दत्तक घेतली असून 
हया शाखांना "वाचनालय आपल्या दारी" उपक्रमांतर्गत मोफत ग्रंथ वाचनासाठी उपलब्ध करून दिले जातात.

वाचनालयात MPSC/ स्पर्धा परिक्षाची व्याख्याने तसेच महापुरुषांच्या जयंती व पुण्यतिथीच्या अनुषंगाने व्याख्याने आयोजित केली जातात, ग्रंथालयात बाल विभाग, महिला विभाग तसेच वृत्तपत्र व मासिके वाचनकक्ष वेगवेगळे आहेत. वाचनालयात वाचनासाठी येणाऱ्या वाचकांना शुद्ध पाण्याची सोय केलेली आहे. ग्रंथालयाच्या वतीने दरवर्षी जेष्ठ नागरीक तसेच विविध क्षेत्रात नैपुण्यप्राप्त केलेल्या विद्यार्थी, मान्यवरांचा ग्रंथ भेट व स्मृतिचिन्ह देऊन सत्कार करण्यात येतो. वाचकांची गरज लक्षात घेऊन जास्तीत जास्त सोयी, अभ्यासिका उपलब्ध करून देण्याचा ग्रंथालयाचा उद्देश आहे.

मलकापूर व आजूबाजूच्या परिसरातील नागरिकांना वाचन‌ालयात येऊन यांच्या माध्यमातून ज्ञान व्यवि, स्वताला घडवावे, समाजाला घडवावे आणि त्यातून एक सक्षम, मजबूत, संस्कारी, संपन्न नागरिक घडावा यासाठी ग्रंथालय नेहमी तत्पर असते. तसेच सक्षम अधिकारी व ज्ञानसंपन्न नागरिक घडविणाऱ्या या वाचनालयाच्या माध्यमातून आपण सर्वांनी वाचन संकल्प करू या!

"वाचाल तर वाचाल "!